Фото мероприятий - найдено: 7
«Сила слова» – студенттердің шешендік өнерін, сыни ойлау қабілетін және көпшілік алдында еркін сөйлеу мәдениетін дамытуға арналған қалалық байқау. Байқау қатысушылардың өз ойын дәлелді әрі әсерлі жеткізу дағдыларын шыңдауға бағытталған.
Қалалық олимпиада – I курс студенттерінің физика және математика пәндері бойынша теориялық білімін, логикалық ойлау қабілетін және есеп шығару дағдыларын бағалауға бағытталған білім сайысы. Олимпиада студенттердің ғылыми қызығушылығын арттыруға, дарынды жастарды анықтауға және олардың зияткерлік әлеуетін дамытуға мүмкіндік береді.
«AI Battles» – студенттердің жасанды интеллект саласындағы инновациялық жобалар байқауы. Байқау AI технологияларын дамытуға, креативті идеяларды қолдауға және үздік студенттік жобаларды анықтауға бағытталған.
Әуезов ауданы колледждерінің мұғалімдері арасында тоғызқұмалақтан аудандық жарыс өтті. Жарысқа білім беру ұйымдарының педагогтері қатысып, ұлттық ойындағы шеберліктерін көрсетті. Іс-шара ұлттық спортты дәріптеуге, әріптестер арасындағы ынтымақтастықты нығайтуға және салауатты өмір салтын насихаттауға бағытталды. Жеңімпаздар мен жүлдегерлер арнайы марапаттарға ие болды.
Кәсіби шеберлік конкурсы – педагогтердің IT саласындағы кәсіби құзыреттілігін, инновациялық тәжірибесін және шығармашылық әлеуетін дамытуға бағытталған байқау. Конкурс тәжірибе алмасуға, заманауи цифрлық технологияларды тиімді қолдануды насихаттауға және педагогтердің кәсіби біліктілігін арттыруға мүмкіндік береді.
«XXI ғасыр көшбасшысы» – студенттердің білім деңгейін, логикалық ойлау қабілетін, жылдам шешім қабылдау дағдыларын және жан-жақты танымын дамытуға бағытталған интеллектуалдық сайыс. Сайыс барысында қатысушылар әртүрлі бағыттағы сұрақтарға жауап беріп, өздерінің білімін, тапқырлығын және көшбасшылық қасиеттерін көрсетеді. Іс-шараның мақсаты – білімді жастарды қолдау, олардың шығармашылық және зияткерлік әлеуетін арттыру, сондай-ақ білімге деген қызығушылығын күшейту.
«Хим IQ» қалалық олимпиадасы студенттердің химия пәні бойынша білімдерін тереңдету, ғылыми-зерттеу дағдыларын дамыту және дарынды жастарды анықтау мақсатында өткізілді. Олимпиадаға қала колледждерінің студенттері қатысып, теориялық және практикалық тапсырмалар арқылы өз білімдері мен қабілеттерін көрсетті.
